歌手之見 - 好兵帥克 亢帥克

中文名	亢帥克
英文名	Kang Shuaike, Sharco
國籍	中國
出生	1988年1月7日 （22歲）

背景
帥克來自音樂世家，自小受家裏薰陶，爺爺是北京鐵路文工樂團的指揮家兼作曲家；而奶奶就是女中音；父親則在廣州歌舞團中表演吹喇叭和小號，母親亦曾登台唱歌。亢帥克也曾學過鋼琴、色士風、小號。

亢帥克的名字是爸爸改的。由於在媽媽懷孕時，爸爸看了中國北方一部由捷克小說改編的電影《好兵帥克》，當中的故事主人翁帶點傻氣，有幾分機智卻不喜歡受到限制，於是兒子出生後不久就命名為「帥克」。

亢帥克,第一集開始巳經係比我一個好深既印象,點解?因為佢能夠做到我地好多青少年做唔到既野,就係決心!佢好決心咁講比佢媽媽聽,唔鍾意做果份工,鍾意唱歌,現時亦都有好多香港人為左份牛工而去麻目去做,基本上好少人能夠做到佢咁大膽,可以大贍到係台上講"我唔做啦"所以佢既決心令到我地好多人都好Touch..當然,銘銘亦都為佢擔心,因為人生第一首歌就揀周杰倫,係威威果個介紹果到都講過"好多人唱Jay既歌都會似Jay,我學唱歌果到d師兄弟亦有此問題",但係佢一開口唱,巳經知道佢今集一定過關!佢既音色,以個人角度黎睇,我鍾意佢既音色可能會多過林宥嘉(只計音色),佢既聲太有感染力,好少人一唱歌就有自己既風格,呢個係好少準歌手有既野黎....之於首歌..有冇問題?其實對第一集黎講,可以比個Good字佢,但佢太多喉音,同埋呼氣聲太大,有待改進..但以第一集黎講,銘銘巳經比左肯定比帥克了..

到左飲歌,銘銘一聽,發覺帥克好緊張,上3集既氣勢無哂,係因為上一集雨天比人讚得多而有壓力嗎?三人遊呢首歌,大家千奇唔好比佢既原唱 - 方大同神化左呢首歌,你愈覺得難唱就愈難唱,呢首歌應該要用一個好放鬆既Feel,freedom少少,但今次帥克點解會唱成咁呢?無錯,佢當然唱得唔似方大同,但佢既壓力令佢對自己既飲歌信心有少少跌左..太唔放鬆,但又要唱得freedom,所以令到d呼吸位太過大la,有d好似唔係佢玩首歌,而係比首歌壓住...點解帥克唔可以好似100強果時咁放鬆呢?Maybe巳經入左圍,對自己既要求高左,雖然100強果時係好放鬆,但巳經比果時少左喉音,共嗚位亦都多左,足以証明佢係有進步的...

而銘銘亦都鍾意佢100強呢個版本,因為比較輕鬆

到呢一集啦...亦都係我好擔心帥克既一刻,因為呢首歌,令到佢用錯哂方法去唱,佢因為對歌既感情不足(只是年齡問題),所以帥克要硬加感情落去果時,就必須似黃大煒一樣,有DD沙聲,可惜,黃大煒是何等等級,帥克既沙聲用錯哂方法,因為佢嘴型唔夠大,佢硬要沙聲時,聲帶位唔夠開,所以會磨得比較強,咁樣會好傷聲同好哂力,上集巳經唱到聲帶出去血,其實佢自己巳經知道唱歌方法係用錯左,可惜呢個係比賽,而又比人揀呢首歌比佢,只好頂硬上,希望佢遲d會有人教佢點樣唱歌時唔會咁傷喉嚨(即唔好咁多喉音)至於首歌基本分其實巳經係高,所以拎到呢個分數銘銘都覺得係岩既...

超偶聯軍踢館賽 - 我地既帥克由聲帶出血開始,終於返返黎啦,佢完全將阿妹既歌投入左自己既感情,用左少少懶音去演繹,阿妹對解脫呢首歌係有一種依依不捨既feel,但係帥克竟將佢唱到好漫不經心咁,呢種先係認真既解脫,同埋呢首歌帥克d轉假音非常好,喉音差唔多係無哂咁,聽落非常舒服,係呢到真係要評一評陳珊妮老師,帥克呢個咬字方法係佢自己既風格,雖然你係唔鍾意呢種咬字方式,但你自己請問心,帥克有無個人風格,其實你自己心中有數,我明白護航係必要,但護航亦都要有技巧,唔好將人地既風格,變成自己既扣分區入面..而由呢集開始,帥克的進步更是幾何級數,殺入決賽....

先唔計隊band既問題,帥克以沙聲去唱呢首歌,大家係咪覺得好聽過你把我灌醉果時呢?呢到亦都多謝一下張氏兄弟教帥克唱歌,聽落去,會覺得佢既沙聲係比較將喉嚨放鬆,你地可以見到帥克唱呢首歌,其實一D都唔辛苦,只可惜band既影響,雖然帥克係暫時最高分,但評審當然會計整體,如果隊band係好d既,應該會高1-2分...

慢歌一戰,開始雖然入慢左,但帥克既氣息,共嗚實在超出原本既水準,高音位置共鳴很好
要講問題的話就係尾音落既時候落得太快,如果落得慢DD,可能會比現在更好...

半清唱 - 銘銘覺得,帥克一開始辭工係一個正確既選擇,佢既層次、感情,係呢個環節入面係最好既,加上尾部變成清唱.清唱講求既,係技巧+聲音,所以呢到,帥克再一次顯示出佢聲音既音色同感染力,加上技巧上無咩大問題...繼續以第一既姿態進入最後環節係必然既...

合唱環節 - 其實肥媽真係講得好岩帥克就係輸係呢到,帥克你要銘記呢一刻,上到台其實係真係唔可以緊張,讓人既感覺,特別係合唱,必須要用盡九牛二虎之力,何況仲要係對住楊宗緯合唱,呢個環節其實帥克應該將自己有既野顯露哂出黎先岩,如果係顯露哂出黎既話,相信會嬴威威最少2分,呢2分唔係話威威唱得差,而係聲底方面,呢2分底分其實巳經比左帥克了,真可惜!

係呢到,我要多謝帥克介紹呢首歌比我聽,如果唔係你唱,我唔會知有呢首歌,當然帥克你無康康咁有感情,但呢d係因為年齡問題,你既層次做得非常好,銘銘其實直到而家都有時會聽返你唱既呢首歌,而聽落係有d想喊既感覺,雖然當晚,帥克以0.1輸左比威威,但係好多人心目中,帥克才是冠軍...

雖然帥克係亞軍,但係真正既比賽而家先開始,由帥克比完賽一刻,銘銘一直有留意帥克,眼見帥克有繼續進步,與亞洲星光大道參賽者出CD,擁有自己的歌,在演唱會上大聲地唱自己喜歡既歌,第一次做人生第一個既音樂劇,而家仲為劇集唱主題曲同插曲,知嗎帥克,atv不是覺得你不夠威威好,atv其實巳經比左你肯定,如果唔係,又點會咁捨得比主題曲同插曲你唱呢?你知道atv自創劇集係百年難得一見,記緊,將自己技巧繼續keep住進步,相信有一日,銘銘會係紅館睇住帥克你既個人演唱會!!!在此送上銘銘很喜歡的插曲=]