中文名:楊宗緯
英文名:Aska Yang
國籍:中華民國
出生:1978年4月4日 （32歲）
職業:歌手
語言:華語、英語
活躍年代:2007年－
經紀公司:新亞娛樂(2010年)
楊宗緯 - 超級星光大道第一屆中的催淚歌手,亦都係銘銘覺得星光大道第一屆中最可惜既歌手,唱歌感情豐富、技巧不輸蕭敬騰、林宥嘉等人既佢,出道後更加是前途坎坷!
大家仲記唔記得呢集?點解宗緯會落係敗部呢?佢唔講,真係無人會知咩事,原來係因為去左剪頭髮-__-"可惜剪完,好似無乜改變bor~唔怪得Roger話只係見到誠意,見唔到成效la...係呢一集,佢呢首歌真係唱得唔係幾好..好幾個假音位唔夠響,把聲太緊,可能因為太緊張啦...好彩最後都有人保送佢,如果唔係,我地唔會知道..楊宗緯原來係可以咁催淚！
其實由背叛呢一集開始，大家都知道，如果宗緯繼續用呢d tone既歌去唱,想嬴佢其實係幾難,呢首歌充分表現到佢既唱歌技巧真係係亞洲黎講係數一數二,層次分明,感情投放好好,但可能情緒問題,銘銘覺得佢尾段感情投放多得濟,但影響唔大,唱live原本就係要咁樣,haha...當集既星光大道如果唔係睇tv,係睇錄影既話可能真係覺得無乜可能會咁低分,如果係宗緯生日,玩下佢姐..haha,不過講真,以佢既實力,評審又點會比佢低分呢...
呢一集可以知道...宗緯真係除左傷心歌,開心歌其實唔係太識發揮,其實咁樣好易影響到佢第日出道後既歌路...加上佢今集,遇上超勁對手 - 蕭敬騰(老蕭最令宗緯有壓力的既,就係老蕭竟然唱佢受評審肯定既背叛唱得咁好,講無壓力係無人信..)果然,宗緯一開口銘銘巳經Feel到佢既緊張,聲音好震,重拍捉得太大力,最後仲要忘詞..可見蕭敬騰的實力係幾可怕....
最強對決再一次對上...今次老蕭唱新不了情,真係太有風格,對銘銘黎講,作為一個學左唱歌半年既人黎講,我覺得佢唱得係完美,當然一定會有小問題係入面,例如佢又頭到尾既共鳴位其實係一樣,咁樣黎講可能會無咁完美,而宗緯...今次終於吐氣揚眉!雖然唔知係唔係真係佢即時改歌,但佢以原唱者既方法再加上自己感情既addlip,再一次証明,星光第一屆入面,冠軍除左佢,仲會係邊個!?
所謂世事如棋局局新,茫茫天數怎能料?當大家都覺得,冠軍巳經係宗緯既時候,突然傳出宗緯年齡報細既問題出黎,導致要退賽..銘銘覺得..報細數..真係要退賽咁嚴重?宗緯又點解會報細數?比賽又無年齡限制,呢D咁既問題到而家仲未有人解答到..唯一一個可能,就係當時巳經有公司簽佢,但唔比佢比賽落去...節目只好用呢個方法去送佢走..
出道後,十分順利出左第一張CD!仲好熱賣tim,但2007年因為一D合約問題導致宗緯被凍結!直到2010年才簽第2間公司,當然,佢係呢幾年真係唔好過,但佢既fans亦都不離不棄...現在希望佢繼續以佢既催淚方式,繼續催淚比我地睇...記住,唔好因為年齡問題,就好快放棄,年齡不是問題,唱歌無年齡既差別...只要你有心,就會唱到好歌,楊宗緯,講到感情投放,亞洲內你是第一名的,放心繼續走下去吧,因為...雨過後一定會係天晴既...
沒有留言:
張貼留言