中文名：羅力威
英文名：Adason Lo
國籍：中國
出生：1986年6月9日
出生地點：中國香港
職業：唱作人
語言：粵語、英語、國語
宗教信仰：基督教
音樂類型：流行曲
活躍年代：2009年至今
經紀公司：亞洲電視
羅力威 - 相信有睇亞洲星光大道既人都識得佢係邊個,威威的確係一個好耐都無見過既創作歌手,基本上,由陳奕迅果代新秀開始,能夠唱歌有技巧既人真係好少,在此真係要多謝亞洲星光大道呢個節目,我地香港人再有d有實力既歌手出黎...(點解我唔講巨聲?因為巨聲最出色既,都唔係香港人!加上仲要係中途加入比賽,呢點係銘銘覺得巨聲最失敗既地方..)講返威威先..威威之而家所以比亞洲電視力棒,係因為佢有才華,唱歌技巧之外,仲有佢既觀眾緣...
大家一齊睇下,羅力威第一集果時,對第一集黎講,佢真係好有潛質做一個Star,佢話send過demo去唱片公司,當然唱片公司唔會show你住,第一因為你無途徑解釋你點入黎呢行,三班既Rex唱功比威威差,但因為佢係英皇冠軍,所以就有唱片公司簽,所以你只係無途徑,第二威威一開始真係太周董la,學國豐老師所講,佢連渣咪都似埋,其實學周董乜都好,最唔好係學佢d咬字!(可能你地會講,人地咁樣咬字夠紅la,點解威威唔可以呀!?)都係果句,因為人地係周杰倫,出道比你早,口齒不清巳經成為佢既特色,所以威威果時真係要擺脫周董既影子,其實我都有d擔心,因為我學唱歌果到果d師兄/師弟,一唱董叔既歌,其實係好難擺脫佢-___-
直到11集,我地既威威終於唔再似董叔la,呢到我地真係要向張氏兄弟講多謝,無佢地,威威其實有排都仲係到周杰倫緊,張氏兄弟提到把聲唔開,其實係因為威威個咀唔夠大先會唔開,氣息好難上到黎,咁樣唱唔係話唔得,但好易走音同好易覺得好辛苦...如果大家有細心聽聽以前羅力威d唱果d歌,無錯高音係去到,但聲音非常薄,會令人覺得佢好易走,而家比張氏兄弟教完之後d聲出好多,好聽好多..亦都証明威威係一個可造之材....
威威果然無令我地失望,一路殺入決賽,就係呢個時刻,佢既負面評語亦都係呢一刻開始愈黎愈多,當晚威威與克哥一齊要同楊宗緯唱背叛,而威威A2有一到唱錯,亦有一到甩嘴,換來既就係大家係Forum係咁講,"當晚克哥應該第一""威威唱到甩哂都咁高分!?"
我係到想講講克哥同威威首背叛先...首先背叛呢首歌,真係岩克哥唱,因為佢音色很好,聲底比威威厚,如果當天克哥唔係因為楊宗緯係到,有少少跌左wat,唔夠膽加d addlip落去,令首歌失色,中規中距,相反威威雖然係有甩嘴,但感情投放,層次比克哥好很多,特別係佢係d melody到加d addlip落去,呢d係係克哥身上睇唔到既,同埋威威係一個好少見既超級用心唱歌既人,我記得我呀sir講過"走音,夠竟有幾緊要呢?其實唔緊要,最緊要既係用心去唱,你用心唱,人地一定feel到"加上威威亦有創作才華,要勝出其實是正常的,但就評歌唱技巧來說,克哥是比威威強,只不過威威在其他方面比克哥更有特色...
威威勝出後時常出席活動都會有好多fans,亦可能係人氣高問題,曾經被劉威煌(巨聲一幫選手)係同台演出時講威威並非實力股！只是炒風潮,但是威威更是顯出大將之風,其實威威早前一首"紅不紅"巳經講比大家聽佢自己既心態....其實大家,又有咩必要係網上面講黎講去呢...
威威現今係到忙緊出碟,亦都唔使諗,佢出碟亦都會有好多人會買,最少銘銘都會買一隻,睇下佢既創作會係點,亦都係到,送上佢最新既mv -情人季節(女主角仲要係李麗珊tim=])
沒有留言:
張貼留言