林欣彤應唔應該92分？

近日睇到好多論壇都係到講林欣彤好勁,林欣彤點點點,林欣彤首AINY好正呀...但係應該92分嗎?

首先,我對林欣彤無咩特別喜好,亦無咩特別憎恨,我只係用我既角度去睇,亦都希望大家唔好講埋D意氣用事既野,例如"你咁叻,你去唱"之類果D...

好...開始講下呢次林欣彤既表演,以整首歌黎聽,無錯,感情收放得唔錯,但如果有學過唱歌既人都應該聽得出,有好多位係錯既...以本人之見有幾點...

• 林欣彤的低音係呢首歌入面巳經講比我地聽,佢低音係唔太好,第2粒字,分開個開字巳經唔到PITCH
• 由開始至A2,可能因為佢要太注意低音到唔到位,令到佢重拍唔夠,所以上副歌第一句"oh...給你我的心"就巳經用錯方法(可能有好多人講,有咩錯,好聽wor) NO!,因為果句開始對女仔黎講巳經係中高音既位置,應該係開放式既方法去唱,將個音拋出黎,唔應該係向後叫出黎,咁樣會無哂氣息,會令人覺得好緊
• 所有尾音都太快收尾,導致尾音下滑得好似無左尾音咁..
• 尾段A3 addlip,所有addlip太少共嗚位,大多數用左死力去叫出黎
• 咬字超唔掂,唔睇歌詞真係唔知佢全首唱乜...

不過佢都有佢既優點既

• 林欣彤呢首歌既層次做得非常好,導致好有感染力
• 雖然佢錯左好多地方,但係最緊要既一樣野,佢有,係乜?就係用個心黎唱啦,當中佢有好多位都差唔多走音咁,但佢無即時收緊,正如超級星光大道"小胖老師"所講,千萬不要怕,破也要破得漂亮!
• 林欣彤把聲幾清,幾厚,唔錯,希望佢除左練高音之外,都練埋低音!將自己既Range一路變大

===========================================================
好啦...優點缺點講完啦,但真係值唔值92分咁高呢?首先,我地先將Gem定係100先,以林欣彤同Gem用呢首歌比,本人覺得唔止8分咁少?最少都差2-30分,原因出係邊呢?


當日細分
趙:90
亮:90
靈:97
莎:98
文:85


點解可以比9字頭?因為佢地將佢既進步變成加分原因,以下係佢既練習片段http://mytv.tvb.com/variety/thesession/110801#page-1



以練習片段黎睇,佢比賽當日係100%好過練習果日,仲有投入高好多,陳潔靈講好感動,係因為佢有進步,無錯,因為巨聲入面來來去去都係得佢一個係有進步,但係有進步還有進步,唔應該比咁多分佢,如果以分數睇,係咪姐係去差唔多零錯誤啦..希望評審真係比下心機落比分果到,單立文雖然比85分,但我都覺得仲算可以接受既分數,9字頭果d,真係對唔住...本人覺得佢唔值-__-"


但亦都讚一讚林欣彤,呢2條片証明左,如果佢係肯練既,佢既進步係會好大,希望佢可以繼續進步,你有咁既天分就要加倍努力,做一個香港既巨星,而唔係做tvb既巨聲..