亞洲星光大道3《第11集》影片+有點長的評論 (哥哥歌曲果然不好唱)

星光1、2班 PK 星光3班 

星光1、2班聯隊獻唱《暴風一族、側面》

司儀：林曉峰、曾寶儀

本集評判：肥媽、周國豐、吳國敬、張佳添、Walter Ma、徐繼宗

由於係哥哥張國榮既生忌,所以本集主題是張國榮,哥哥既歌,其實哥哥既歌一d都唔易唱,要唱到無哥哥既影子更難,我地一齊睇下有幾個參賽者做到?

李雯珊 (大熱 64.8)vs 戴晼旂(寂寞有害 62.2)

其實銘銘係同Simon同一個唱歌老師既=],而銘銘亦都聽過Simon上堂時唱歌,但都只係普通話同英文歌,廣東話就真係未聽過,但我雖然係識Simon,但Simon今次係咪唱得好呢?以今集黎睇,其實佢係最差(haha,希望Simon睇到唔會估我係邊個,如果唔係有機會同佢一齊上堂果時我會瓜掉),第1,呢首歌其實真係唔岩佢把聲,佢把聲太過娃娃聲,呢首歌聲底黎講應該係岩d有少少Power既會比較好d,而Simon大師姐把聲好緊,應該係緊張吧,加上因為要迎合首歌所以跳舞動作比較繁多,有一D上氣唔接下氣,呢樣其實係Simon身上好少見到,所以去到呢首歌最精彩果個addlip果到後尾都走走地音,但佢唱落係無乜哥哥既影子,呢點係幾好,唔錯..雖然分數係呢集三班最低,但卻成為呢一集既星光三班唯一一個PK勝利者,原因係因為Jack Dai首歌唱得太差啦,佢一開始第一句巳經忘詞,其實忘詞又有咩緊要,最緊要係後面可以起返身,可惜Jack Dai完全起唔返身,聲音緊,每個音都震,仲震過李克勤,對於Jack Dai,其實銘銘有d建議,銘銘覺得Jack Dai應該去學一學唱歌,唔係話佢唱歌唔好,而係佢發聲太多喉音,基本上好多音都係用喉嚨發出黎,如果大家係睇開星光既,都feel到Jack Dai把聲巳經沙哂,呀敬話佢把聲好吸引力,Sorry,我唔覺得係一件好事,因為佢一上高音,震之餘hold唔住個音,但因為佢硬要hold,比人feel到佢喉嚨其實係有d傷,所以Jack Dai應該學下唱歌,多d唔同發聲位,而肥媽亦都因為要補住星光一既名,亦都希望大家比掌聲,所以呢次Simon嬴佢1-2分係正常既,但Simon亦都唔係唱得好,希望你第日揀歌揀d岩身d既...

李麗珊(痴心的我 65.8) vs 李昊嘉 (為你鍾情 68)

其實李昊嘉有68分,銘銘係值得既,原因?因為佢把聲其實幾靚,加上佢揀左為你鍾情,呢首歌好應該係要一個溫柔既聲去演繹,銘銘聽落去,好舒服,咁樣證明嘉嘉感情係好好,但層次唔係做得太好,後段應該加多一d感情落去,肉緊dd,咁樣會無咁悶,亦都可能因為呢首歌嘉嘉要用一個好輕既口氣去唱,所以大部分既氣都去哂中音/低音到,所以A1上高音時有d緊,仲有有d句子既尾位拖得比較長,咁樣會比人覺得你好唔確定個音既上落,但大致上成首歌都係好聽既..

至於Lisa首歌,可能因為外界都話星光三比星光一、二好,所有有壓力啦,加上佢聽完嘉嘉唱得好,所以自己更加緊張,歌曲A1至A2大多數對女仔黎講其實係低音黎,而黎首歌可以講比我地聽,Lisa   既低音真係差少少,有少少震,但高音其實唔錯,只係拋得唔夠出,所以去到一d位會好似卡住左咁,不過感情同層次亦都差過你師姐呢,層次比較差左dd,3段都差唔多一樣,下次希望LIsa將層次做得再好d,低音再加緊練習,將你既音個Range拉闊,如果解決左呢d問題,加上外型,聲底,繼續行落去其實唔係難事,今日輸左少少,但觀眾見到你有進步巳經足夠,希望下次再進步d吧..

仲雨馳(背棄命運 65.7) vs 李明憲(左右手 66)

李明憲真係要讚一讚,與當時比賽既佢作對比,其實佢進步左好多,層次,感情,呼吸,上落位其實差唔多做到足,只係有時d高音位落左喉嚨,聽落實而唔響,但係有時又拋得太出,導致唔夠氣,最令銘銘覺得好既係班長佢就算甩左歌詞之後都咁快執返起身,Good!
但反觀

仲雨馳,係唔係因為佢唔係太鍾意哥哥呢,成首歌聽落無感情,無層次,無乜重拍,好唔投入,係掛住舞步定係其他呢?

仲雨馳基本上係好想投入,但愈想投入,比人覺得愈係做出黎,就會愈唔投入,音準又有問題,你話班長唔嬴你,邊有可能呢?銘銘覺得班長嬴0.3其實評審巳經比左面比

仲雨馳啦,班長係呢首歌,其實嬴5分都唔過份,

仲雨馳希望唔好比PK玩死,盡快搵返第一集既

仲雨馳吧...

古卓文 (側面 69.8) vs 陳曙輝 (無心睡眠 67.7)

呢一組銘銘覺得暫時係最好睇既,銘銘當時諗點解會無人揀快歌唱呢?哥哥快歌好正架bor,點知就黎左呢組一出黎,古卓文呀古卓文,如果你當時決賽有而家呢個實力,你話幾好呢?古卓文第一粒音出黎,銘銘巳經好鍾意,毫無哥哥影子,重拍捉得非常準,用左自己對首歌既感覺入去,中間更加左少少Rock既元素係入面,不過音準有dd問題,高音有少少唔到Pitch,但舞台魅力200%,係因為Rex講話無個佢係驚既問題?整著左卓文把火嗎?haha...

Rex其實差唔差?當佢一出黎,其實銘銘feel唔到佢緊張,但古卓文唱完,就算點輕鬆都會緊張,但係Rex一於少理,雖然音準問題比古卓文嚴重,但舞台魅力唔差過古卓文幾多架咋,中間間場時又自己加d舞步入去,呢d係好事,比我地睇到Rex既另一面,但希望Rex先將氣練好,跳完之後氣好唔順,雖然仲Keep到,但聽到有D捱緊尾段,Rex,希望你以後都有呢個咁既feel!雖然銘銘都覺得古卓文嬴得正常,但呢一組應該個個參賽者都學一下佢地既舞台台風,投入,Enjoy舞台,但呢2個人無70分,可惜....

蔡梓銘(春夏秋東 67.7) vs 陳啟榮(路過蜻蜓 67.5)

其實梓銘唔係無幫到飛機,佢係要講比飛機聽,一定要拎出所有野出黎先得,如果唔係一個唔覺意淘汰左就慘啦,因為飛機同梓銘一樣,都擁有一把靚聲,講返首歌先,梓銘唱呢首歌其實唔錯,但唔錯還唔錯,姐係唔係特別突出,重拍雖然係有,但捉得唔太緊,層次唔係太明顯,好多野都中規中距,轉音亦都唔係轉得太好,唔係太圓滑,但感情投放唔錯,以銘銘黎睇,如果飛機唔係緊張,嬴梓銘係無問題,就係因為緊張,對比起上一集飛機巳經有好大進步,揀歌聰明左好多,揀左一首幾岩佢既歌,雖然佢係有少少哥哥既影子,A1加左少少震音落去,聽落去好似有d經歷咁,上落位做得比梓銘好,但高音位hold唔係太穩,原因應該係低音位用得太多氣,感情投放一流,層次都做得足,所以我覺得呢一組應該飛機贏先岩....

鄭混洪 (風繼續吹 67.8) vs 亢帥克 (風再起時 69.3)

銘銘先講Orus先,可能係抽到帥克既問題,太緊張,第一句巳經唔到Pitch,唱第2次"風繼續吹"時有少少甩拍,但好快亦都執返起身,首歌有好多位Orus都用左拖拍方式,因為佢怕太似哥哥,所以腦入面係咁諗住點唱點唱,唔夠投入,所以比到評審既感覺似背書,但Orus既歌唱技巧其實無咩特別問題,但係佢太多野諗,無用心去唱,呀敬講呢首歌要用心唱,其實佢真係講得好岩,其實最簡單既野係最好既,所有歌都應該用心去唱,至於Orus有冇哥哥影子係呢首歌入面..一半一半啦..

帥克 - 帥克真係唔簡單,銘銘除左聽得出佢開始有d pitch唔到之外,其他都要聽多幾次先聽到有問題,亦都證明評審既功力係好強,haha,講返帥克其實好多人以為帥克未唱之前,好似太攰咁,錯!!佢係巳經入左隻歌到,雖然開頭係唔到Pitch,但感情係全場之冠,段點,氣息好好,好有個人風格,副歌第一句"風再起時"個"風"字連續2字都太大力同太用氣,搞到後面addlip唔夠氣去support,影響左成首歌既感情位,但層次明顯,特別係最後果兩個字,用左好唔在意既Feel去唱,好岩呢隻歌...Orus其實要學既野就係帥克到,就係感情投放問題同個人風格,帥克嬴係正常,但呢首歌應該過70分先岩..

陳蕾(沒有愛 70.8) vs 盧思穎(我 70.2)

今集最後一組,果然有個好收尾,兩個表現都不俗,星光三班呢晚最好果然係lose wing,其實lose wing抽到豹哥唔使咁怕既,因為你地2個都係好有壓台力,真係唔PK過都唔知邊個勁,如果學豹哥所講,佢係揀黎揀去先揀出黎既話,佢唱成咁佢應該係好努力去練!用小朋友既唱腔去唱開頭,有比人覺得豹哥同班小朋友係到唱歌咁,個feel唔錯,好輕鬆,但尾音有少少唔穩,但感情投放與帥克一樣,豹哥比到一樣野比我地睇,歌唔一定要好難,唔一定要跳舞,簡簡單單首歌,只要用心去唱,就會覺得動聽!至於技巧,除左d尾音問題,轉音有少少緊,同last有少少走音,其他問題都不大!

lose wing,如果你keep住,決賽應該有你份,一開始低音雖然有一d唔穩,但係比上一集好好多啦,感情亦唔輸豹哥,層次分明,選用一開始用慢慢推進,用少少假音既方法去演繹,將哥哥既原唱方法加少少改進,唔錯,但咁樣唱法對氣既要求好高,所以有d唔夠氣既地方出現,到左第2段,lose wing使用澎湃一d既方法,用真音去上,氣既運用好左好多,但高音要hold住亦唔簡單,所以lose wing有少少hold唔住,多練少少氣,綜合黎睇豹哥既總體比lose wing好,所以羸0.6分亦唔過份..比心機吧lose wing,keep and go on!!

班長其實真係好識講野,講得好中POINT,希望星光三明白ATV點解要星光一、二班要返黎PK,要認清自己既缺點先會有進步,並唔係因為你地星光三口啤好,人地話你地實力強,要話比人聽星光一、二班實力高過你地,在銘銘眼睇黎講,其實師兄師姐真係有讓你地,首先比你地揀歌,可能如果唔係你地揀歌先,佢地唔使揀d自己無咁熟既歌去表演,當然師兄師姐真係要讓下師弟師妹,畢竟佢地舞台經驗十分不足,希望大家都唔咁睇邊個贏,邊個輸,最有得著既,其實只有星光三班,努力!

========================

原來寫一次呢d野,真係好哂時間,haha,寫左我幾個鍾,雖然係好長,但亦都係銘銘既睇法,以上只係個人觀點,我知道我係有d野未必係寫得好好,所以希望睇個blog既人明白,如果可以既話可以留一留言,講講建議比我,等銘銘第日寫評審時會留意,thankyou=]