歌手之見 - 結合信仰與音樂 蔡梓銘

中文名:蔡梓銘
英文名:Danny Choi, Gorson Choi
國籍:中國
出生:1990年12月29日 （19歲）
宗教信仰:基督教
音樂類型:流行曲
活躍年代:2009年至今
經紀公司:亞洲電視












蔡梓銘 - 同本人都係最尾個字有個銘字,唔知佢d fans會唔會叫佢做銘銘呢?講返轉頭,梓銘其實係銘銘近期好少睇到既一個對信仰極有堅持,對音樂態度好好既一個歌手,可能上帝一早知道你對信仰咁有想法,所以比你一把好聽既聲,梓銘呀,唔好浪費上帝比你既一把好聲呀...

銘銘真係無講大話架,第一集,其實大家巳經知道佢把聲真係好靚!因為第一次上台,係一個咁緊張既情況上面,把聲由頭震到尾都可以顯得出把聲咁靚,好啦,講完把聲,咁唱成點呢?都係一句啦,太緊張,重拍太重,令到首歌有dd表達錯左既feel,之於吳國敬所講既入錯段,雖然係一個大錯,但梓銘要記住,上到台其實真係乜都唔好諗,係一剎那一諗野就會比人知道你有錯誤,如果可以明知道錯都可以行雲流水既話就ok,因為唔係個個人都熟哂歌詞..by the way,last個下假音出得唔錯,如果遲下唔緊張,其實梓銘

只要好好運用把聲,揀一d可以show到把聲既歌,

要拎第一其實係有可能既...

梓銘果然好聽教,聽左呀肥講既野之後亦都好聰明咁揀第一次,對比起班長,梓銘既緊張無班長咁勁,但轉音有時都因為緊張而有時轉得唔靚,不過呢首歌既難度其實對梓銘來講唔會難,感情都收放得唔錯,所以梓銘57分係正常既,不過梓銘第日揀歌真係要小心d,如果唔係就會變返第一集咁樣架啦...

呢一集,梓銘既問題出現啦,首先,隻歌唔係唔岩梓銘唱,好開心梓銘唱李香蘭有自己既風格同感覺,不過會唔會係PK既問題,轉音比平時差左好多,假音比較尖,其實假音係好舒服既,假音就好似嘆氣一樣,要d氣一路慢慢support去放出黎,咁樣會無咁尖,同埋今集鼻音多左,原因係因為梓銘既嘴形唔太夠,導致共嗚位太少,變左向上,理應拋出黎,如果你係拋出黎,addlip果下ah唔會咁多鋸齒..梓銘如果可以解決呢d問題,加上聲底...你絕對可以實現你既夢想!

星光家族踢館賽 - 梓銘其實巳經有進步,只不過舞台突然變左,太緊張,鼻音比上一次少左,轉音位其實係因為太緊張而轉得唔流暢,問題不太,假音亦都唔尖,有改進,但氣既應該要再改一改,尾音既氣呼得太快,容易比人覺得你無左尾音..梓銘快d將緊張拎走,如果唔係,評審唔會覺得你有咩太大改變的!!加油

我地既中大歌神出現啦,感情雖然真係唔係太到位,咁係因為年齡問題,梓銘呢一集令銘銘覺得佢好大進步!一d緊張都無,呢個係佢最大既問題,大家睇下,梓銘唔緊張既時候,係非常之行雲流水,好動聽,氣既運用左好多,低音位置亦都唔太震,證明梓銘除左假音,低音亦都唔弱,到左副歌,以銘銘既能力其實聽唔得出佢有好大問題,重拍捉得好足,感情面都好夠,層次亦好好,唯一少少建議就係addlip位落得太慢,應該係聲音最靚果一下落黎,咁樣唔會咁落樓梯feel...如果梓銘繼續keep住,3甲必有他!

不出所料,梓銘果然可以去到決賽,但係,大家果時會唔會為梓銘擔心呢,因為快歌,梓銘未嘗試過,但係,一出口,梓銘其實巳經突破左自己,梓銘將一切拋開,乜都唔理就係台上enjoy,雖然尾位好快收尾,但成首歌既流暢度銘銘可以話比90分,加上梓銘願意獻上佢自己好弱既跳舞比我地睇,雖然只係跳d唔跳d,但亦都雖要好多體能,而歌唱方面卻無上氣唔接下氣,可見梓銘下過好大既苦功!

第二輪 - 梓銘繼續以佢既假音做得分點,但亦都可能係上首歌既影響,導致轉音唔係太過滑,有少少鋸齒出現左,但轉音後既假音又好靚,所以一半一半,但層次面黎講,佢係呢輪入面緊次帥克!銘銘特別銍意梓銘最後果句既演繹,太有感情,所以亦都好順利入去下一輪...

半清唱 - 其實梓銘巳經出盡九牛二虎之力架啦,無錯係有d吹拍,但成首歌既感情,鋪排,咬字,共嗚巳經做到好好,聲底亦好好,大家聽聽清唱果到,假音真係靚得好緊要,可惜,要對住把聲有超級感染力既帥克,同埋受大家愛戴既威威,佢地兩個適合當天評審既口味,亦都係咁,梓銘只可以拎到第3名,但係,銘銘覺得去到果到,名次巳經唔緊要,如果賽制改一改可以三個進入最後一輪,結果又會再改寫,但係梓銘,唔緊要既...因為你既實力巳經比大家見到啦..

銘銘咁講唔係無道理,大家應該都有睇星光2班既決賽,呢首歌,梓銘幫左瑛瑛好多,由未唱歌開始巳經幫瑛瑛解除左緊張,而呢d亦都係學長要幫學妹做既其中一樣野,梓銘一開聲,聲音意外地同瑛瑛既聲音非常合拍,加上合唱地方梓銘使用自己最擅長既假音作為和音,使瑛瑛聲音更加特出,更有Power,係呢到,唔通梓銘除左假音乜都唔識?錯!!要做和音,其實基本巧一定要非常之好,要帶一個比賽既人勝出比賽,一定個feel要好好,而梓銘感情比以前更加好,而且梓銘今次和音其實係可以講90分,除左有少少轉音有問題之外,其他都無乜大問題,雖然評審講只計參賽者分數,但成首歌既feel係好緊要既,所以瑛瑛其實要多一多謝梓銘幫助佢咁多...

其實梓銘巳經踏上左自己既夢想啦,將信仰同音樂結合,而佢而家亦都用自己既歌聲去講比人聽正確既信仰,音樂既態度,現在梓銘巳經參與福音音樂既工作,除左福音大碟之外,近期都參與福音音樂劇《真愛不老》,雖然銘銘對上帝現時亦都係半信半疑,但係如果真係有上帝既話,我想信上帝會好欣賞梓銘,用左一個咁特別既方法去宣揚信仰,蔡梓銘!請你繼續你自己既夢想,唔好放棄,相信主會看到一切,在你身後支持你,而主亦都會因為你而驕傲...

在此送上 蔡梓銘 -星光